Waamicha Yaa’ii Waliigalaa Idilee Waggaa 22ffaa Abbootii Aksiyoonaa Baankii Hojii Gamtaa Oromiyaa W.A.

Akkaataa Seera Daldalaa F.D.R.I Keeyyata 366(1), 367(1)fi keeyyata 370 akkasumas Barreeffama Hundeeffamaa baankichaa keeyyata 17(1) fi 18(1), Yaa’ii Waliigalaa Idilee Waggaa 22^ffaa Abbootii aksiyoonaa, sanbata Onkololeessa 7,2019(ALA, October 17,2026) sa’aa 2:00 irraa kaasee magaalaa Adaamaa Galma Abbaa Gadaatti ni taa’ama. Kanaafuu kabajamtoonni abbootii aksiyoonaa waldaa aksiyoonichaa yookaan bakka bu’oonni seeraa, iddoo, guyyaa fi sa’aatii eerametti yaa’icha irratti akka argamtan Boordiin Daayrektaroota Baankichaa waamicha isaa dabarsa.

1.Ragaalee ijoo waldicha ilaallatan

1.1 Maqaa Waldaa Aksiyoonichaa፡ Baankii Hojii Gamtaa Oromiyaa W.A.
1.2 Akaakuu Waldaa Aksiyoonaa፡ Waldaa Aksiyoonaa hojii baankii irratti bobba’e
1.3 Teessoo Waajjira Muummee Waldaa Aksiyoonichaa፡ Finfinnee, K/ Magaalaa Boolee,
Aanaa 02, Lakk. Manaa 3020
1.4 Marsariitii Waldaa Aksiyoonichaa፡ https://coopbankoromia.com.et
1.5 Lakkoofsa galmee Waldaa Aksiyoonichaa: KK/AA/3/0001918/2004
1.6 Kaappitaala Waldaa Aksiyoonichaa mallattaaye: 12,800,000,000.00
1.7 Kaappitaala Waldaa Aksiyoonichaa kaffalame፡ 12,800,000,000.0

2.Ajandaawwan Yaa’ii Waliigalaa Idilee Waggaa 22^ffaa

2.1 Ajandaawwan Yaa’ichaa mirkaneessuu;
2.2 Abbootii Aksiyoonaa haaraa fudhachuu fi dabarsa aksiyoonaa beeksisuu;
2.3 ALA Gabaasa Waggaa Boordii Daayrektarootaa 2025/26 dhaggeeffachuun mari’atanii murteessuu;
2.4 ALA Gabaasa Waggaa Odiitaroota Alaa 2025/26 dhaggeeffachuun mari’atanii murteessuu;
2.5 ALA bara 2026/27f Oditaroota Alaa muuduun kaffaltii isaanii murteessuu;
2.6 Kaffaltii waggaa Boordii Daayrektarootaa ALA kan bara 2025/26 fi durgoo ji’aa kan bara 2026/27 murteessuu;
2.7 Ramaddii fi Kaffaltii bu’aa qulqulluu bara bajataa/herregaa ALA 2025/26 irratti mari’atanii murteessuu;

Hubachiisa

• Abbootiin aksiyoonaa yaa’icha irratti argamuu hin dandeenye, ragaa bakka bu’iinsaa qaama mootummaa aangoo qabuun mirkanaa’ee kenname orijinaalaa fi koppii isaa qabachuun ykn akkaataa Seera Daldalaa keeyyata 377 yaa’iin taa’amuun dura guyyaa sadii(3)dursuun, Magaalaa Finfinnee, K/Magaalaa Boolee naannoo maqa Embaasii Ruwaandaatti kan argamu Waajjira Muummee baankichaa darbii 7^ffaa kutaa Hariiroo Abbootii Aksiyoonaa ykn damee baankichaa isaanitti dhihoo jirutti qaamaan dhihaachuun unkaa bakka bu’iinsaa dhimma kanaaf baankichaan qophaa’e guutuun mallatteessuun bakka bu’aa muuduun, bakka bu’aanis ragaa bakka bu’iinsaa qabachuun yaa’icha irratti hirmaachuu fi sagalee kennuu kan danda’an ta’uu kabajaan ibsina. Haata’u malee abbaan aksiyoonaa tokko yaa’ii waliigalaa waldichaaf karaa kamiinuu haa ta’u kan bakka buufachuu danda’u nama tokko qofa ta’uu isaa ni beeksisna.
• Abbootiin aksiyoonaa Waldaa aksiyoonichaa ykn bakka bu’oonni seeraa, yaa’icha irratti hirmaachuuf yommuu dhufan, waraqaa eenyummaa biyyoolessaa (Fayidaa)lammummaa Itoophiyaa qabaachuu isaanii agarsiisu, waraqaa eenymmaa gandaa haaromfame ykn Paaspoortii ykn Hayyama Konkolaachisummaa orijinaalaa fi koppii isaa qabachuun yaa’ii irratti hirmaachuu ni danda’u. Akkasumas abbootiin aksiyoonaa baankichaa, dhalootaan Itoophiyaa ta’anii lammummaa biyya alaa qaban, dhalootaan Itoophiyaa ta’uu isaanii kan mirkaneessu, kaardii dhalattummaa Itoophiyaa(Kaardii Keelloo)yeroon isaa hin dabarre qabatanii dhihaachuu akka qaban kabajaan beeksisna.
• Dhaabbilee(Waldaalee Hojii Gamtaa ykn dhaabbata biraa)bakka bu’uun bakka bu’oonni dhihaatan, ragaa hoji-gaggeessaa waldichaa/dhaabbatichaa ta’uu isaanii mirkaneessu qabatanii dhihaachuu kan qaban ta’uu ykn unkaa bakka bu’iinsaa baankichaan bakka bu’iinsa kenname qabatanii dhihaachuu kan qaban ta’uu kabajaan beeksisna.
• Akkaataa Qajeelfama Bulchiinsa Baankolee Baankii Biyyoolessaa Itoophiyaa Lakk. SBB/91/2024 keeyyata 20(3)miseensonni boordii baankichaa fi hojjattoonni baankichaa abbootii aksiyoonaa bakka bu’uun yaa’icha irratti hirmaachuu hin danda’ani.
• Hangi bakka bu’iinsaa bakka bu’oonni fudhatan, aksiyoona isaanii dabalatee kaappitaala baankichaa mallattaa’e dhibbentaa 10 caaluu hin qabu.

Boordii Daayrektarootaa

Baankii Hojii Gamtaa Oromiyaa W.A.